Гульня для дзяцей – гэта не проста забаўка, а самая сапраўдная жыццёвая неабходнасць. Гульня проста неабходна дзіцяці для яго паўнавартаснага і гарманічнага развіцця, набыцці неабходных навыкаў – як побытавых, так і навыкаў сацыяльных зносін. Акрамя таго, гульні дапамагаюць творча развіваць дзіця. А беларускія гульні дапамагаюць дзіцяці далучыцца да роднай мовы, да гісторыі сваёй краіны.
Ці здаралася вам, паважаныя калегі, знаходзіцца на гульнявым кірмашы?
Педагогі "Яслі-саду №4 г. Веткі", арганізавалі сапраўдны святочны кірмаш беларускіх гульняў. У святочнай праграме ўсіх удзельнікаў чакалі цікавыя сюрпрызы, гульні, песні, пацешныя героі, а таксама шмат смеху і весялосці.
Педагогі стварылі не толькі святочны настрой, але прадэманстравалі свае ўменне і веды методыкі арганізацыі рухомых гульняў.
Каларытныя героі гульнявога кірмаша Дзед і Баба ў выкананні педагогаў Барэшка Юліі Пятроўны і Цімашэнка Таццяны Паўлаўны стваралі добры настрой не толькі маленькім удзельнікам свята, але і гасцям.
А забіяцкія і вясёлыя гульні "А мы проса сеялі", "Лапаточкі" ў выкананні кіраўніка фізічнага выхавання Петрачэнка Ірыны Яўгенаўны, прадэманстравалі высокі ўзровень падрыхтоўкі ўдзельнікаў.
Педагог-дэфектолаг Раздуева Наталля Фёдараўна падзялілася досведам выкарыстання рухомых гульняў у сістэме працы з дзецьмі з парушэннямі гаворкі.
Таксама хочацца адмеціць прыгожае і яркае абсталяванне да гульні "Бусел" падрыхтаванае выхавальнікам Каробушкінай Янай Сяргееўнай.
 |
| Надышоў вясёлы час, завітаў кірмаш да нас... |
Комментариев нет:
Отправить комментарий